Pidgin PoetryPoetry

No Kolombi Yursef

Shebi yu wan turn Bobrisky,
abi yu wan dans Davido ‘Risky’.
As yu com dey do like yama-yama whisky
no bi dat one go mek yu marri Nicki.

Yu been see Niniola
yu com dey sey na she yu wan marri.
And yu com see Damilola,
yu com dey sey na she yu fit carri.

Wetin dey do yu?
Na chingum dey yur brain
abi yu sleep inside rain?
Soji yursef befor yu enta baku.

Kontrol yursef befor yu enta one chance
no bi evri ikebe yu see na im nyash.
Yestaday na Bola Bimbo
Today go bi Nola Jumbo.

No com kolombi yursef
with mata wey pass yu.
Mek yu dey try soji yursef
so dat gbati fit reach yu.

Inside life no bi film trick
so bi yur own Jon Wick;
No dey look leda bricks
wen yu fit buy only bon bricks.

Why not share?
Tags

Related Articles

Leave a Reply

Your email address will not be published. Required fields are marked *

Check Also

Close
Back to top button
error: Content is protected !!
Close
Close