Notin Do You—ZenPens

Notin Do You

Shebi you tink say
yawa na your name.
Abi you dey claim say
doti patari no fit mek you shame.

Shebi you dey form say
brekette shayo
no fit mek you kolo.
Today na today,
wata don pass garri.

Even agbero know him mate,
him no fit fom Rambo for Kirikiri gate.
Na him mek no be garagara
dem dey use dey fry akara.

Notin do you
if yor power dey for mouth.
Notin do you
if wetin dey wori you dey shout.

And wen you chop slap
and your teeth com get gap;
no rush com remove cap
becos notin do you.

But notin do you
fit mek somtin do you.
So mind yourself
mek you no turn deaf.

No die like fawo
becos dem no send you.
Weda you bi Nwoke, Omoba or Yaro,
try get sense wen you hear
“Notin do you.”

Rate this post

Click on a star to rate it!

Average rating / 5. Vote count:

No votes so far! Be the first to rate this post.

Why not share?

Leave a Reply

Your e-mail address will not be published. Required fields are marked *

error: Content is protected !!